Tashmë asnjë lajm nuk përbën çudi për ata të dy. Mbasi arritën të tërheqin vemendjen e fansave dhe të mediave deri në atë pikë sa prezenca e tyre në faqe gazetash dhe revistash tashmë ishte një domosdoshmëri, duket se ka edhe më. Shqiptarët që jetojnë në Amerikë, në tokën e largët, mesa duket nuk kanë qëndruar indiferentë ndaj programit të famshëm “Big Borther” dhe protagonistëve të tyre. Dhe ata kanë bërë në një farë mënyrë zgjedhjet e tyre duke preferuar më së shumti Adelën dhe Bjordin si individë, për personalitetin e tyre dhe atë çka ata arritën të na përcjellin gjatë bashkëjetesës së tyre në atë shtëpi, por edhe për lidhjen e bukur që krijuan e cila u forcua shumë pasi ata lanë shtëpinë, gjë që në fakt nuk ndodh shpesh. Pas daljes nga shtëpia disa prej fansave të tyre më të zjarrtë, i kanë bërë shpesh oferta çifit për të vizituar Amerikën dhe komunitetet ku jetojnë shqiptarët, duke zgjedhur disa adresa në Face book që kanë emrat e tyre por në fakt nuk ishin të vetë Adelës dhe Bjordit. Vetëm pak ditë më parë, kur ata kanë hapur adresat e vërteta, fansat e largët kanë provuar përsëri t’ju shkruajnë derisa kanë arritur të lidhen dhe të komunikojnë. Fansat duan pa tjetër çiftin në Amerikë që të festojnë së bashku me shqiptarët e tjerë festën e bukur të Vitit të Ri dhe më pas të bëjnë një tur në disa vende. Nëse Adela dhe Bjordi ikin në Amerikë. ata do të kenë mundësi që ta shohin për herë të parë këtë vend si dhe të njihen me një komunitet të tërë shqiptarësh të cilët edhe pse janë larg, mbeten shumë të lidhur me vendin e tyre, por sidomos ata vijojnë të ndjekin edhe me internet programet më të mira të televizioneve shqiptare. Të shohim nëse do të real-izohet ky udhëtim i çifitit duke patur parasysh angazhimin e tyre të përjavshëm tek programi “E diell” i cili do të startojë nesër në drekë.
Thu Oct 08, 2009 3:16 am
Hallall i qofte Adeles 
